ليلة وداع التاسعة والثلاثين

[سعيد الفقعسي]

يقول عبدالواحد بن سعود في وداع التاسعة والثلاثين


ليـلـة وداع التاسـعـة والثلاثـيـن =
طبل ومزاميـر ونواقيـس واجـراس=
عمر(ن) نهب بيسار مااعطـاك بيميـن =
لايحـرم الضامـي ولايملـي الكـاس =
سجيـن ويـن آنـا وحريتـي ويـن =
وآشوف وضع الناس وآقـول لابـاس=
الناس فـي الدنيـا مجـرد مساجيـن =
الدهر عيّنهـم علـى بعـض حـراس =
كم يفسـد الزيتـون مايصلـح التيـن =
وكم شجرة(ن) يصنع من اغصانها فاس=
صبح الثلاثاء ينتهـي عـرس الاثنيـن =
ياكم وكـم روس(ن) بالاقـدام تنـداس =
تأخذ رحاة الوقت مـن حيـن لاحيـن =
وقفة دقيقـة تلتقـط فيهـا الانفـاس =
تعبـث ملائكـة الرضـا بالشياطـيـن =
وتقضي الطمانينة على كـل وسـواس =
وآقوم اسوي لي مـن الشعـر بيتيـن =
وافرد لها من فهرس الـروح قرطـاس =
آضمّـد بحرفـي جـروح المحـازيـن =
واقفل قلق وافتح بها بـاب هوجـاس =
تغنيك عن بعض السيـوف السكاكيـن =
وتغنيك عن بعض السكاكين الأمـواس =
الا فلـو فجّـرت شـعـري براكـيـن =
ما اترك جبل واحد يوقّف على سـاس=
اوقف بعض الاحيان مكتـوف الايديـن =
واغبط واهنّـي كـل متبلّـد احسـاس =
واسمع من اصحابي على الرأس والعين=
واخطر بقاع العالـم العيـن والـراس =
ياكم فقيـر(ن) فـي رصيـده ملاييـن =
وآنا غني وآنا علـى وشـك الافـلاس =
زيـف الحقايـق واختـلاف الموازيـن =
خلاني اغضب واضرب اخماس باسداس=
آنـا ادري ان الله خلقنـي مـن الطيـن =
لكن بعـض الطيـن ياقـوت والمـاس =
لـو كنـت لاقـي للحقايـق براهيـن =
كان اخترعت لراحـة البـال مقيـاس =
واللي موصلنـي لـذا الحـال ثنتيـن =
كذبي على نفسي وصدقي مـع النـاس =
=

رواها فهد الدوسي

[ابورهف]

والـلـي موصـلـنـي لـــذا الـحــال ثنـتـيـن
كذبـي علـى نفسـي وصدقـي مـع النـاس

صدق كم نقع فيها الله يرحمنا برحمته
وتقبل مروري يالفقعسي
لا عدمناك يالنشمي

[غواص البحر الاحمر]

وفقك الله اخي الغالي سعيد على هذا الختيار الجميل ولا تحرمنا من جديدك

تقبل مروووري لك مني جزيل اشكر

[الهريري]

الله يعطيك العافيه اخي سعيد الفقعسي

على هذه الرائعه

كل الشكر لك على ماتقدمه من درر لهذا المنتدى

دمت كما تحب

[سعيد الفقعسي]

الأعزاء

ابو رهف

غواص البحر الأحمر

الهريري

أشكركم على اهتمامكم واقدر مروركم حفظكم الله